د افغانستان نفت او ګاز امارتي شرکت او د زاول لوړو زدکړو موسسې ترمنځ د اکاډمیکې همکارۍ هوکړې لاسلیک

دغه هوکړه لیک، چې د شرکت کارکوونکو د زدکړیزې کچې لوړونې په موخه، نن سه شنبه، په ۰۸/۱۲/۱۴۰۳ هـ ش نېټې د یاد شرکت په مقر کې د مالي امر ښاغلي عبدالرزاق عابد او د زاول لوړو زدکړو موسسې علمي معاون ښاغلي عبدالمنان کراني ترمنځ لاسلیک شوه.

د دغې هوکړې پر بنسټ، د شرکت کارکوونکي کولای شي، چې د خپلې زدکړیزې کچې لوړونې په موخه، په معالجوي طب، ستوماتولوژي (د غاښونو طب)، اقتصاد، کمپوټر ساینس، او حقوق او سیاسي علومو څانګو کې د لیسانس په کچه زدکړې له ځانګړي تخفیف او آسانتیاوو سره دوام ورکړي.